EL3asheq ELmagro7
عدد المساهمات : 22
نقاط : 56
تاريخ التسجيل : 04/06/2010
العمر : 29
 |  موضوع: الــــــدخــــــول مــــــن غــــــيــــــر تــــــذاكــــــر  الإثنين يوليو 12, 2010 1:07 am | |
|
الدخول من غير تذاكر
والحكايه لطفل خايف
جاى يجرى م الحصار
جاى ينادى قلوب حجر
عايشه ف ضلوع العرب
عايشه ف ذل وانكسار
جاى يقولى هناك مدينتى
لسه فاكر من زمان
كنت بالعب فيها دايما
ويا هيما ابن الجيران
كنت باحلم أبقى فارس
كنت باحلم بالحصان
فجأه دخلوها اليهود
بالبنادق والعساكر
سكتونا سكوت رهيب
وقفونا ع الحدود
والدخول من غير تذاكر
حتى صوتى ف زورى ساكت
عايش إحساس الغريب
عايش إحساس الجبان
أمى صرخت إرحمونا
جايين ف بيتنا تقتلونا
جم بسرعه جرجروها
ومن هدومها جردوها
وأما أبويا راح يدافع عن شرفها
كل أقلام الشهايد زودت شهيد كمان
وتعالوا شوفوا دم كام شهيد بيكتب
جوَّه جدران الزمان
والدخول من غير تذاكر
لسه فاكر
دمع أمى ودم أبويا
لسه فاكر
طلقه طلعت من يهودى
جت ف قلب نضال أخويا
ودم يكتب شهيد كمان
قلت هادعى ربى يمكن
كل أحلامى البريئه
تيجى ويا حصان زمان
وروحت عند الأقصى أصلى
روحت لقيت أبرهه تانى
جاى ومعاه اللوادر
وبالبنادق جاى يكتم صوت آذان
ما أعرفش إيه يا ناس حصلى
حسيت كأن كل عيلتى ماتوا تانى
اليهودى إبن اليهودى
جاى وجايب جيش وراه
جاى يحاصر كل حته هاصلى فيها
جاى يعمل إيه كمان..!!؟
جاى يهدم قبلة لينا يا مسلمين..!!!؟؟
وللا جاى يشوف مكان ما صلى المرسلين
كان النبى واقف هنا إمام لكل العالمين
جريت بسرعه أنادى بعلو صوتى يا مسلمين
مش عايزكم تنقذونى
وإن شا الله حتى تموتونى
وم المعونه تحرمونى
بس عايز قلب يدعى وإيد تدافع عن مكان
ف القدس عايش من زمان
والدخول من غير تذاكر
كل العرب واقفين هناك
شايفين بعينهم كل حاجه
ومكسلين يعملوا حاجه
أو بالكتير يقولوا كلام من غير نظام
أو يناقشوا ماتش كوره
جوَّه جلسه ف برلمان
والدخول من غير تذاكر
وبكره يدخل جوَّه بيتكم
واليهودى يشوف خيبيتكم
وتلقى نفسك جوَّه خيمه
وبدال الدمع تبكى دم
تقول ياريت اللى جرا ف يوم ما كان
أما أنا ف بعلو صوتى هأقول جبان
خليك يا عربى هناك وساكت
خلى خوفك جوَّه جوفك
ومش مهم أى حاجه
مش إنت عايش ف الأمان...!!؟
ومش مهم كمان تموت
أو تخش جوَّه قبرك
ده الدخول من غير تذاكر
محكوم وحاكم من غير محاكم
المهم إنك تذاكر
ولما تيجى قصاد إلهك
وييجى دورك ف الكلام
إبقى رد ع السؤال
وقوله كنت باعيش جبان
ده ف يوم حسابك
الدخول من غير تزاكر
الــــــعــــــاشــــــق الــــــمــــــجــــــروح
| |
|
سليم عبد الباسط سليم
مـديـر الـمـنـتـدي
عدد المساهمات : 473
نقاط : 1073
تاريخ التسجيل : 09/04/2010
العمر : 42
الموقع : https://saleem.hooxs.com
| | موضوع: رد: الــــــدخــــــول مــــــن غــــــيــــــر تــــــذاكــــــر الإثنين يوليو 12, 2010 5:46 pm | |
| يعيني عليك يا عزيزي بجد برافوا عليك
ايه الجمال ده كله يا عاشق الله ينور عليك
ايوه كنت فين وكان فين كل الجمال ده
اتمني المزيد والمزيد
لك تحياتي
| |
|
abomkarem
عدد المساهمات : 165
نقاط : 233
تاريخ التسجيل : 15/04/2010
| | موضوع: رد: الــــــدخــــــول مــــــن غــــــيــــــر تــــــذاكــــــر الإثنين يوليو 12, 2010 6:42 pm | |
| والله هايل ومعبر شكرا لك يا عاشق المجروح
اتمني الدوام من هذا الابداع
لك تحياتي
| |
|
عاشق السهر
مـشــرف عـــــــام الـمـنـتـــدي
عدد المساهمات : 148
نقاط : 234
تاريخ التسجيل : 20/04/2010
العمر : 36
الموقع : www.asheqelsahar.ucoz.com
| | موضوع: رد: الــــــدخــــــول مــــــن غــــــيــــــر تــــــذاكــــــر السبت يوليو 17, 2010 9:52 am | |
| هايل بجد ياعاشق يامجروح فى منتهى الجمال قبل جمال الكلمات جمال الفكرة والدخول من تذاكر بجد رائع واكثر من رائع ادام الله عليك جمال الكلمات تقبل تحياتى ولك وافر احترامى | |
|
